Në Shqipëri po qarkullon masivisht nënvarianti i Omicron BA2. Bashkë me nënvariantin BA5, ato janë shkaku i valës së re të infektimeve në pjesën më të madhe të Europës. Organizata Botërore e Shëndetësisë thotë se të dy nënvariantet janë me shenja të njëjta klinike.
Personat e infektuar me BA5 mund të kenë kollë, rrjedhje hundësh, dhimbje të fytit, lodhje, dhimbje koke, dhimbje muskulore, zë i ngjirur, temperaturë. Megjithatë, ata kanë më pak gjasa të humbasin shqisat e shijes dhe nuhatjes, ose të përjetojnë gulçim.
Të njëjtat shenja janë vënë re që ne periudhën e dimrit edhe në nënvarintin BA2.
Ajo çfarë i dallon nga Omicron është transmetueshmëria. BA2 dhe BA5 janë 35 % më infektues, por jo më të rrezikshëm, pasi prekin vetë rrugët e sipërme respiratore dhe jo mushkëritë.
Po ashtu, në dallim nga variantet e tjera të Covid-19, ata po prekin edhe personat e imunizuar nga vaksinat, por kanë pasoja shumë herë më të lehta te kjo kategori.
Ekspertët thonë se të gjitha nënvariantet e Omicron, edhe pse janë me infektues, janë disa herë më pak të rrezikshëm se variant Delta, që shkaktoi viktima të shumta në mbarë botën./Tv Klan
