Policia e Kosovës ka bërë të ditur se në një rrugë dytësore afër pikëkalimit kufitar në Bërnjak janë vendosur disa pengesa (drurë) si dhe në një pusetë të rrugës ishte vendosur një mjet me gozhda për dëmtim të gomave të veturave.
Policia ka larguar pengesat nga rruga dhe rasti po hetohet.
“Banje, Zubin Potok 25.03.2023, 20:07. Është raportuar se në një rrugë dytësore afër pikës kufitare Bërnjakë janë vendosur disa pengesa (drurë) si dhe në një pusetë të rrugës ishte vendosur një mjet artizanal i përbërë me gozhda që shërben për dëmtim të gomave të automjeteve. Njësit policore kanë dal në vendin e ngjarjes dhe i kanë larguar pengesat. Me vendim të prokurorit rasti vazhdon të hetohet”, thuhet në raportin e Policisë.
