Një aksident trafiku i ndodhur më 29 qershor në Istog ka rezultuar fatal, pasi viktima, një mashkull kosovar, ka ndërruar jetë më 6 korrik në Qendrën Klinike Universitare të Kosovës (QKUK), ku ishte duke u trajtuar për plagët e rënda.
Sipas raportit të Policisë, viktima ishte përfshirë në një aksident trafiku rreth orës 17:45 më 29 qershor dhe që nga ajo kohë ishte në gjendje të rëndë shëndetësore. Përkundër përpjekjeve të mjekëve, ai nuk ka arritur t’u mbijetojë plagëve.
Me vendim të prokurorit të rastit, trupi i pajetë është dërguar në Institutin e Mjekësisë Ligjore (IML) për obduksion.
