Raportohet se Napoli nuk do të dërgojë ofertë të përmirësuar në drejtim të Manchester Unitedit për Alejandro Garnachon, duke vendosur limitin te oferta prej 50 milionë euro plus 5 milionë të tjera në bouse.
Napoli nuk dëshiron që ta rris ofertën për anësorin e Unitedit, sipas raportimit të fundit nga “Tuttosport” gjatë ditës së sotme.
Eksperti i Napolit, Raffaele Auriemma thotë se Napoli veçse e ka informuar Manchester Unitedin për ofertën e lartpërmendur.
Manchester Unitedit nuk i ka interesuar të dëgjojë për oferta nën 80 milionë euro, por 20-vjeçari tashmë ka arritur marrëveshje me klubin e Napolit.
“Il Matino” kishte raportuar javën e kaluar se Napoli ishte i gatshëm që t’i ofrojë Manchester Unitedit mundësinë për të nënshkruar me Victor Osimhenin për vetëm 75 milionë euro në verën e 2025-ës, nëse “Djajtë e Kuq” pajton për ta lënë Garnachon të largohet për një çmim më të lirë.
Anësori i Borussia Dortmundit, Karim Adeyemi është alternativa kryesore e Napolit, nëse dështon operacioni Garnacho, por gjermani është më shumë i interesuar për një kalim në Premierligë sezonin e ardhshëm.
