Napoli ka fituar 2-0 përballë Milanit n derbin e zhvilluar në kuadër të javës së 10-të në Serie A.
Pas vetëm pesë minutash lojë, Romelu Lukaku i kaloi napolitanët në epërsi me një gol të bukur.
Në minutën e 43-të, Kvicha Kvaratskehlia realizoi për 2-0, duke siguruar këtë fitoren qysh në 45 minutat e parë.
Samuel Chukëueze (47’) mendoi se kishte ngushtuar epërsinë e Napolit, por që VAR-i e anuloi golin e tij për pozicion jashtë loje.
Milani e dominoi të gjithë këtë pjesë të dytë, duke krijuar raste të sigurta për gol, por që nuk arritën t’i konkretizonin.
Në minutën e 83-të, Rafael Leao shpresoi se do të shënonte për 2-1, mirëpo Alex Meret bëri një pritje fantastike.
Me këtë fitore, Napoli vazhdon si lider me 25 pikë, shtatë më shumë se vendi i dyti, Interi, ndërsa Milani është në të tetin me 14 sosh.
Në javën e 11-të, Napoli përballet me Atalantan, derisa Milani do ketë punë me Monzan.
