Shefja e Grupit Parlamentar të Lëvizjes Vetëvendosje, Arbërie Nagavci, ka përkujtuar sot ditëlindjen e heroit kombëtar Gjergj Kastrioti Skënderbeu, duke e cilësuar atë si figurën më të lavdishme të historisë shqiptare.
Nagavci theksoi se lufta dhe rezistenca e Skënderbeut nuk u kufizuan vetëm në trojet shqiptare, por u vlerësuan edhe në mbarë Evropën, ku ai u njoh si një ndër strategët dhe udhëheqësit më të mëdhenj të kohës.
“Emri dhe vepra e tij do të jetojnë përherë në kujtesën e kombit shqiptar,” ka shkruar ajo, duke përmbyllur mesazhin me nderim për heroin kombëtar.
Në fund, Nagavci ka shprehur respektin e saj duke theksuar lavdinë e përjetshme për Skënderbeun.
Postimi i Plotë:
Sot përkujtojmë ditëlindjen e Heroit tonë Kombëtar, Gjergj Kastrioti Skënderbeu, figurës më të lavdishme të historisë sonë kombëtare.
Lufta dhe rezistenca e tij nuk mbetën vetëm në trojet shqiptare, por u vlerësuan në gjithë Evropën, ku ai u njoh si një ndër strategët dhe udhëheqësit më të mëdhenj të kohës.
Emri dhe vepra e tij do të jetojnë përherë në kujtesën e kombit shqiptar.
Lavdi e përjetshme heroit tonë kombëtar!
