Ministrja e Arsimit, Shkencës, Teknologjisë dhe Inovacionit, Arbërie Nagavci, ka nënshkruar sot Udhëzimin Administrativ për rolin, detyrat dhe përgjegjësitë e asistentit për fëmijë/nxënës me nevoja të veçanta arsimore.
Me këtë UA, të gjithë asistentët e punësuar duhet t’u ofrojnë mbështetje profesionale, fëmijëve me nevoja të veçanta arsimore në të gjitha institucionet e arsimit parauniversitar për arsim gjithpërfshirës efikas dhe cilësor.
Nagavci theksoi se po punohet edhe në zhvillimin e politikave për reformimin e sistemit të arsimit.
“Në dy vitet e kaluara janë punësuar 186 asistentë në shkolla ndërsa, deri në fund të mandatit do të punësojmë edhe 300 tjerë”, njoftoi ajo.
