Zvicra dhe Kosova do të përballen më 5 shtator në Basel, në ndeshjen hapëse për Kualifikimet për Kampionatin Botërorë.
Helvetikët dhe Dardanët do ta zhvillojnë ndeshjen e katërt mes vete, derisa deri më tani nuk ka pasur fitues në asnjë duel.
Në tre përballjet e deritanishme mes dy ekipeve kombëtare, ndeshjet janë mbyllur baras 2-2 në Prishtinë, si dhe dy ndeshje 1-1 në Zvicër.
Sulmuesi zviceran, Cederic Itten që luan në Fortuna Dusseldorf ka folur për përballjen me Kosovën.
Itten është bashkëlojtar me reprezentuesin kosovar Florent Muslijën te Dusseldorf, derisa ka thënë se Dardanët shkojnë në Zvicër për fitore dhe ndeshjet me Kosovën gjithmonë janë speciale.
“Ndeshjet kundër Kosovës nuk janë kurrë të lehta. Ata me siguri do të kenë shumë tifozë në stadium. Është një kundërshtarë që i njohim shumë lojtarë. Florent Muslija është një shok skuadre dhe ai më ka thënë se mezi pret ndeshjen dhe se do të vijnë në Basel për fitore”, tha Itten në konferencë për shtyp.
Krejt në fund Itten tha se ndeshjet ndaj Kosovës janë gjithmonë speciale dhe se Dardanët do të kenë shumë tifozë në stadium.
“Ndeshjet ndaj Kosovës janë gjithmonë speciale. Ata do të kenë shumë tifozë në stadium. Është një grup shumë i vështirë, por ne duam të kualifikohemi”, tha Itten.
