Ministri në detyrë i Financave, Hekuran Murati, ka reaguar pas raportimeve të disa mediave që e akuzuan Qeverinë se ka shpenzuar më shumë krahasuar me vitin e kaluar, duke u bazuar në publikimin e fundit të Agjencisë së Statistikave të Kosovës (ASK) për tremujorin e dytë të vitit 2025, transmeton KosovaNews.
Murati tha se është krejtësisht normale të ketë rritje të shpenzimeve buxhetore, duke pasur parasysh politikat e reja financiare që janë zbatuar gjatë këtij viti.
“Është më se normale që rriten shpenzimet buxhetore krahasuar me një vit më parë sepse kemi rritur pagat, kemi rritur pensionet, kemi rritur shtesat për fëmijë e shtesat për gra lehona, si dhe janë rritur investimet kapitale,” shkroi Murati.
Ai shtoi se është pozitive që vetë mediat i kanë demantuar pretendimet e tyre të mëparshme se Qeveria kishte bllokuar buxhetin dhe nuk po shpenzonte./KosovaNews/
Disa media dje gjatë tërë ditës kanë akuzuar qeverinë se paska shpenzuar më shumë krahasuar me vitin e kaluar, duke e…
Posted by Hekuran Murati on Thursday, September 4, 2025
