Ministri i Financave, Hekuran Murati, ka reaguar ndaj disa portaleve të cilat, sipas tij kanë publikuar lajme se gjoja paskemi 100 vende pune më paj vetëm për tre muaj, të cilat janë thirruur në raportin tremujor të trustit. Murati ka thënë se të pretendohet se një shtet ka humbur 1/4 e vendeve të punës nga një keqlexim dhe krahasim i gabuar i periudhave të ndryshme, është absurditet i llojit të vet. Ai ka thënë se një keqlexim i tillë shpërfaq ose tendencë për të prodhuar lajme të rreme, ose mungesë të frikshme të njohurive për konceptet bazike të ekonomisë dhe statistikave
“Lajmet e rreme nuk kalojnë!
Disa portale paskan publikuar lajme se si gjoja paskemi 100 mijë vende pune më pak në vetëm 3 muaj (TM4 2022 vs TM1 2023), duke u thirrur në raportin tremujor të Trustit.
Të pretendohet se një shtet ka humbur 1/4 e vendeve të punës nga një keqlexim dhe krahasim i gabuar i periudhave të ndryshme, është absurditet i llojit të vet.
Një keqlexim i tillë shpërfaq ose tendencë për të prodhuar lajme të rreme, ose mungesë të frikshme të njohurive për konceptet bazike të ekonomisë dhe statistikave.
Së pari, raportet e Trustit, nuk tregojnë numrin e të punësuarve domosdo, por vetëm numrin e atyre llogarive që kanë pranuar kontribute përgjatë periudhës së raportimit.
Së dyti, e kjo është më e rëndësishmja, po krahasohet numri i llogarive që kanë pranuar kontribute në 3 MUAJT e parë të vitit 2023 me numrin e llogarive që kanë pranuar kontribute në 12 MUAJT e vitit 2022”, ka thënë Murati.
Sipas tij, patjetër që do të ketë dallim, sepse po krahasohen 3 muaj me 12 muaj.
“Gjatë periudhës 12-mujore, ka shumë të punësuar që hyjnë e dalin nga tregu i punës, por që në kumulativ, secili që ka kontribuar së paku 1 muaj në Trust, njihet si llogari aktive. Prandaj në tremujorin e fundit të vitit ka çdoherë më shumë llogari aktive sesa në cilindo nga tremujorët tjerë përgjatë vitit vijues (përjashto ndoshta periudhat kur ka zgjedhje dhe angazhohen mijëra vëzhgues).
Krahasimi i saktë i periudhave të njëjta për të dyja vitet (ashtu si do duhej), e dëshmon që lajmet e prodhuara nëpër këto portale janë të pavërteta.
TM1 2023 vs TM1 2022 -> +13,473 llogari aktive
TM4 2022 vs TM4 2021 -> +9,273 llogari aktive
Shifrat mund t’i shihni edhe vetë në tabelat më poshtë”, përfundon ministri Murati.