Ministri i i Financave, Hekuran Murati, ka demantuar mediat të cilat alarmojnë për zvogëlimin e numrit të të punësuarve në Kosovë me rrteth 30 mijë në vitin 2023. Murati e ka quajtur fake news keto lajme, duke thënë se lajmet e rreme nuk kalojnë. Ai ka thënë se, sipas raportit të fundit të ATK-së për muajin prill 2023, janë të deklaruar 395,166 të punësuar, apo rreth 7 mijë më shumë sesa TM1 2022.
“Lajmet e rreme nuk kalojnë!
Autori ka bërë krahasim të vendeve të PËRGJITHSHME të punës në TM1 2022, me të punësuarit që kanë punë PRIMARE në prill 2023”, ka thënë Murati.
Sipas ministrit Murati, informata e saktë sipas raportit të fundit të ATK-së është se, për muajin prill 2023 janë të deklaruar 395,166 të punësuar, apo rreth 7 mijë më shumë sesa TM1 2022 – nëse duam t’i krahasojmë indikatorët ashtu si duhet.
