Ministri në detyrë i Punëve të Brendshme, Xhelal Sveçla nxjerr vendim për humbjen e shtetësisë me privim të shtetësisë për N.V për cenim të sigurisë kombëtare.
“Bazuar në Ligjin Nr. 04/L-125 për shtetësinë e Kosovës, Udhëzimit Administrativ (MPB) nr.06/2019 për Procedurën e Humbjes së Shtetësisë së Kosovës me Lirim dhe Privim dhe shqyrtimit të rekomandimit nga Departamenti për Shtetësi, Azil dhe Migrim, Ministri në detyrë i Punëve të Brendshme, ka nxjerrë vendim përmes së cilit shtetasi N.V humb shtetësinë e Republikës së Kosovës me privim”, thuhet në vendim, njofton zyra për informim e kësaj ministrie.
Bëhet e ditur se shtetasi në fjalë duke qenë edhe shtetas i Serbisë është marrë me aktivitete që cenojnë sigurinë e Republikës së Kosovës, në cilësinë e pjesëtarit të forcave të policisë së Serbisë, e gjitha kjo pa pëlqim nga organi kompetent dhe pa marrëveshje ndërkombëtare paraprake siç e parasheh legjislacioni në fuqi.
Në njoftimin e MPB-së thuhet se “Ministria e Punëve të Brendshme me agjencitë e saj dhe në koordinim me institucionet tjera të sigurisë mbetet e përkushtuar për garantim dhe respektim të rendit e ligjit dhe ofrimit të sigurisë për të gjithë qytetarët e Republikës së Kosovës.
