Një grua e kishte denoncuar për dhunim kunatin e saj (vëllain e burrit).Rasti ka ndodhur më 4 nëntor në Mitrovicën e Veriut.Por, kjo doli se ishte veçse një inskenim i 41-vjeçares.
‘’Me datën 04.11.2024, në Stacionin Policor Mitrovicë Veri ishte raportuar një rast i dhunimit ku një femër kishte njoftuar policinë se ishte dhunuar nga një person në shtëpinë e saj në Mitrovicë Veri. Policia kishte vepruar menjëherë, kishte identifikuar personin i cili ishte shoqëruar në Stacionin Policor ndërsa pasi ishte kontaktuar prokurori, ishte iniciuar rasti për dyshimin e kryerjes së veprës penale ,,Dhunim”.Meqenëse i dyshuari potencial kishte qenë nën ndikim te alkoolit, ndaj tij ishte caktuar masa e ndalimit policor ndërsa policia kishte vazhduar me veprimet procedurale-hetimore për zbardhjen e plotë të rastit’’, thuhet në njoftimin e PK-së.
Mirëpo një ditë më vonë doli se e gjitha ngjarja të jetë jo e vërtetë.
‘’Me datën 05.11.2024, pasi ishte intervistuar personi i dyshuar dhe pas veprimeve tjera hetimore si dhe intervistës shtesë nga viktima e supozuar, është vërtetuar se nuk ka pasur rast të dhunimit andaj është njoftuar prokurori dhe personit i është ndërprerë masa e ndalimit ndërsa në konsultim me prokurorin, rasti është ri-cilësuar nga ,,Dhunim” në ,,Lajmërim apo kallëzim i rremë” ndaj të dyshuarës F.E., 41 vjeçare, e cila fillimisht ishte paraqitur në cilësinë e viktimës’’, thuhet në njoftim.
