Misioni amerikan ‘fokuson’ komandantin, Bashkim Jashari gjatë mbledhjes së Grupit të Kontaktit për Ukrainën në NATO

Në Bruksel sot po mbahet mbledhja e 16-të e Grupit të Kontaktit të Mbrojtjes së Ukrainës.

Komandant i Përgjithshëm i Forcës së Sigurisë së Kosovës, Bashkim Jashari, i është bashkuar ministrave të mbrojtjes dhe zyrtarëve të lartë ushtarakë nga gati 50 vende.

Ata janë mbledhur për të diskutuar krizën e vazhdueshme në Ukrainë dhe koordinimin e vazhdueshëm të ngushtë nga komuniteti ndërkombëtar për t’i siguruar popullit ukrainas mjetet e nevojshme për të mbrojtur territorin e tyre sovran.

Misioni amerikan i NATO-s në transmetimin e drejtëpërdrejtë në platformën X ka fokusuar komandarin e FSK-së, Bashkim Jasharin.

Në këtë mbledhje po merr pjesë edhe presidenti i Ukrainës, Volodymyr Zelensky dhe Sekretari i Përgjithshëm i NATO-s, Jens Stoltenberg.

Nga SHBA po merr pjesë Sekretari i Mbrojtjes Lloyd J. Austin, i cili po mban fjalën hapëse.

Shihni VIDEO-n më poshtë:

🔴 LIVE

16th Ukraine Defense Contact Group Meeting https://t.co/HTGk7DQ1iE

— U.S. Mission to NATO (@USNATO) October 11, 2023