Me 61 vota për Kuvendi i Kosovës ka miratuar rezolutën e propozuar nga Lëvizja Vetëvendosje që kërkon marrjen e masave nga Qeveria për adresimin e rritjes së çmimeve të produkteve bazë.
Nga Qeveria është paralajmëruar një ligj për caktimin e marzhës së fitimit maksimal për produktet bazë, ngjashëm siç është bërë me çmimin e derivateve.
Po ashtu sot Kuvendi ka miratuar edhe raportet vjetore të Agjencisë për Informim dhe Privatësi dhe të KOSTT-it për vitin 2021.
Kryeministri i Kosovës, Albin Kurti rreth dy javë më parë deklaroi se vendosja e çmimit tavan për naftën ka dhënë rezultate dhe po shikohen mundësitë edhe për produktet tjera elementare, porse Qeveria po operon që qytetarëve t’u dilet në ndihmë, por pa e shkelur Kushtetutën.
“Me ministrat Murati e Hajdari, jemi në komunikim që të sjellim masa që i ndihmojnë qytetarët. Çmimi tavan për naftën ka dhënë rezultate, por duhet ta gjejmë mënyrën më të mirë, por të mos e shkelim kushtetutën”, deklaroi Kurti.
