Kuvendi i Kosovës me 61 vota për e ka miratuar të enjten në lexim të parë projektligjin për Komisionin e Pavarur të Mediave (KPM).
Ky projektligj parasheh licencimin e mediave online, monitorimin e tyre dhe gjoba deri në 40 mijë euro.
62 deputetë kanë marrë pjesë në votim, ku 61 prej tyre kanë qenë pro, një kundër dhe asnjë abstenim.
Legjislacioni parasheh që mediat online, që prodhojnë video, duhet të regjistrohen si biznes.
Me ndryshimet, KPM-ja do të ketë mandat të monitorojë edhe punën e mediave online që prodhojnë përmbajtje audio-vizuale.
