Ministrja e Drejtësisë, Albulena Haxhiu ka qëndruar sot në një vizitë në Qendrën Korrektuese në Lipjan.
Haxhiu ka theksuar se në vizitë me të burgosurat ka biseduar për jetën pa dhunë dhe barazinë për secilin.
“Në Qendrën Korrektuese në Lipjan, në burgun e grave, bashkë me ministrin Vitia, vizituam të burgosurat për tu njohur më shumë me sfidat dhe përkujdesjen shëndetësore ndaj tyre. Bashkërisht shfrytëzuam këtë ditë që të bisedojmë për jetën pa dhunë dhe barazinë për secilin”, thotë ajo.
Tutje, ministrja ka shtuar se “Pas periudhës korrektuese, gratë do t’i kthehen familjes dhe shoqërisë. Ato do të jenë edhe më të vetëdijshme mbi të drejtat dhe liritë e tyre”.
“Ne i informuam që gjithandej po vazhdojmë organizimin e kampanjës “Sot dhe çdo ditë tjetër!”, që ka për qëllim angazhimin tonë të përbashkët për çdo ditë, në ngritjen e vetëdijes kundër dhunës në familje dhe dhunës me bazë gjinore.
Tutje ministrja ka shkruar se secilës prej tyre u ka ndarë nga një lule me mesazhin “Marsi është muaj i cili shënon përpjekjet e grave për liri dhe barazi”
