Ministrja e Drejtësisë, Albulena Haxhiu sot ka nënshkruar Vendimin për suspendim të përmbaruesit Irfan Kërçagu, deri në marrjen e një vendimi të Komisionit Disiplinor.
Ajo thotë se është zotuar në mbrojtjen e interesit publik dhe çdo vendim i saj do të jetë në linjë me këtë parim.
Ministrja Haxhiu tutje tha se profesionet e lira duhet t’u shërbejnë qytetarëve dhe institucioneve e jo të kontribuojnë në dëmtimin e tyre.
Haxhiu ndër të tjerash u ka bërë thirrje të gjithë përmbaruesve që të respektojnë përgjegjësitë e tyre sepse nuk do të tolerojë asnjë tejkalim kompetence apo shkelje.
