Ministria e Ekonomisë ka bërë hapjen publike të aplikacioneve për ofertuesit për ankandin e erës.
Ministrja në detyrë, Artane Rizvanolli ka premtuar transparencë të procesit.
“Gjatë këtij procesi për më shumë se në 50 pyetje kemi siguruar transparencë që jemi kujdesur që të gjitha palët të jenë mirë të informuar. Jo vetëm që të ngjallim interesim dhe garë, por sigurojmë edhe proces qëndrueshëm.
Zotohemi që do të ndjekim hapat sa më transparentë dhe në nivelet më te larta”, ka thënë ajo.
Rizvanolli ka njoftuar se faza e dytë e aplikimit fillon gjatë muajit mars, ndërkaq ankandi i parë i erës bashkë me atë solar, i cili është përfunduar, do të plotësojë pjesën energjetike.
“Kërkesa për propozime fillon gjatë muajit mars, ku kompanitë e kualifikuara për këtë fazë do të kenë mundësinë të aplikojnë me propozimet e tyre teknike dhe financiare, për ndërtimin e Impiantit të Erës, me kapacitet prej 50 deri në 100 megawat”, ka thënë Rizvanolli.
