Me ftesë zyrtare të homologes kanadeze, Anita Anand sot ministri i Mbrojtjes së Kosovës, Armend Mehaj së bashku me gjeneral Enver Cikaqin, ka udhëtuar për në Halifax të Kanadasë për të marrë pjesë në Forumin Ndërkombëtar të Sigurisë.
Gjatë punimeve të forumit, në sesion të veçantë, para liderëve të shumtë, ministra e shefa të mbrojtjes të shumë vendeve të botës, ministri Mehaj do të prezantoj me temën “Sigurimi i sovranitetit të shteteve të vogla”.
Gjithashtu, sipas një njoftimi thuhet se një takim të veçantë do të ketë edhe me nikoqiren dhe homologen, ministren e Mbrojtjes Kombëtare të Kanadasë, Anita Anand.
Krahas takimeve të shumta në margjina të forumit me ministra e shefa të mbrojtjes së vendeve të ndryshme, Mehaj veçoj takimin që do të zhvilojë me kryetarin e Komitetit Ushtarak të NATO-s, admiralin Rob Bauer.
Krahas, pjesëmarrjes efektive në forum, me delegacion ministri Armend Mehaj do të takojë edhe diasporën tonë në Kanada, ku do të marrim pjesë edhe në takimet dhe organizimet e tyre.
Forumi Ndërkombëtar i Sigurisë në Halifax është i përkushtuar për forcimin e bashkëpunimit strategjik midis vendeve demokratike për përballjen me sfidat, kërcënimet dhe rreziqet e mjedisit global të sigurisë dhe sivjet fokusin kryesor do ta ketë në krizën e Ukrainës pas agresionit ushtarak të Rusisë./KosovaNews
