Ministri i Mbrojtjes i Republikës së Kosovës, Armend Mheaj, ka publikuar disa imazhe nga stërvitjet e fundit të kadetëve të FSK-së.
Mehaj njofton se kadetët u janë nënshtruar testeve të përgatitjes fizike, teksa tregon se suksesshëm kanë praktikuar ecjen me pesha të rënda.
“Aromë Beteje” është ecja e kadetëve tanë me pesha të rënda e përcjellë nga 2km vrapim. Kadetëve i’u tesuan pothuajse të gjithë komponentët e përgatitjes fizike, si qëndrueshmëria, forca dhe kondicioni fizik. Ecja me pesha simulon afrimin në zonën e operacionit, kurse vrapimi me pesha simulon luftëbërjen. Udhëheqësit e së ardhmes, sikurse shpirtërisht e psikikisht, janë të fortë edhe fizikisht”, ka shkruar mes tjerash ministri Mehaj.
