Ministri i Administrimit të Pushtetit Lokal, Elbert Krasniqi, ka bërë të ditur se ka vizituar Komunën e Graçanicës.
Përmes një postimi në Facebook nga ministria, është bërë e ditur se gjatë takimit është diskutuar për bashkëpunimin në mes të Qeverisë dhe Komunës.
“Ministri i Administrimit të Pushtetit Lokal, Elbert Krasniqi ka vizituar Komunën e Graçanicës, me ç’rast ka diskutuar me nënkryetarin e Komunës së Graçanicës, Leutrim Ajetin, për bashkëpunimin në mes të Qeverisë dhe Komunës, procesin e projekteve komunale dhe mundësitë për bashkëpunim në të ardhmen me qëllim të përmirësimit të mirëqenies së qytetarëve dhe ofrimit të shërbimeve sa më cilësore”, thuhet në njoftim.
Në njoftimi bëhet e ditur se në kuadër të kësaj vizite, ministri Krasniqi dhe nënkryetari Ajeti kanë vizituar projektin “Rregullimi i stazës te Shkolla Fillore deri te banesat Padelishte” të financuar nga Granti i Performancës Komunale.
