Ministri i Jashtëm i Italisë, Antonio Tajani e ka vlerësuar si hap të rëndësishëm drejt paqes, marrëveshjen e arritur mbrëmë në Bruksel mes Kosovës dhe Serbisë, për çështjen e targave.
Tajani në një postim në Twitter, ka thënë se gjatë vizitës që ai pati të martën në Prishtinë e Beograd, u kërkoj palëve që të zbusin tensionet.
“Gjatë vizitës time të martën në Beograd dhe Prishtinë së bashku me Gudio Crosetto, dëgjuam qëndrimet e kryeministrit të Kosovës, Albin Kurti dhe presidentit të Serbisë, Aleksandar Vuçiq. U kërkova atyre që të zbusin tensionet. Arritja e marrëveshjes dje në nivel të BE-së, është një hap i rëndësishëm drejt paqes. Urime për Josep Borrell”, ka shkuar Tajani.
Ministri i jashtëm italian tha të martën në Prishtinë, se Italia është e gatshme të mbështes të dyja palët për gjetjen e një zgjidhje.
“Ne jemi të angazhuar për ta mbështetur paqen , qëllimi ynë është që ti zgjidhim problemet dhe që në këtë pjesë të Ballkanit të kthehet prosperiteti, të kthehet rritja ekonomike dhe mirëqenia qytetare. Kjo nuk është një vizitë e rastësishme. Dua që të jetë një mesazh që ne jemi këtu në dispozicionin tuaj për të gjetur një zgjidhje”, ishte shprehur Tajani.
