Ministri i Kulutrës, Rinisë dhe Sportit, Hajrulla Çeku ka pritur në takim këngëtaren shqiptare Shkurte Fejza, e cila ka dhënë kontribut në kultivimin e muzikës popullore për gjysmë shekulli.
Në këtë takim, ministri Çeku bëri të ditur se sëbashku me këngëtaren Fejza, vitin e ardhshëm do t’a shënojnë 50-vjetorin e saj në skenën muzikore.
“E madhja e skenës muzikore shqiptare, Shkurte Fejza, vitin që vjen mbush 50 vjet karrierë e kontribut në muzikën popullore. Pata nderin e veçantë ta takoj në zyrën time ku diskutuam për bashkëpunimin që na pret për ta shënuar sa më dinjitetshëm gjysmë shekulli veprimtari muzikore dhe atdhetare.
I urova shëndet, jetë të gjatë dhe vazhdimësi të punës artistike.”, ka shkruar Çeku.
