Ministri i Arsimit dhe Shkencës, Hajrulla Çeku, ka pritur në takim ambasadorin e Francës në Kosovë, Olivier Guérot, me të cilin ka diskutuar për bashkëpunimin bilateral në fushën e arsimit dhe shkencës.
Gjatë takimit, të dy bashkëbiseduesit vlerësuan bashkëpunimin e deritanishëm ndërmjet Kosova dhe Franca, i cili është konkretizuar përmes projekteve të përbashkëta në arsimin e lartë, ofrimit të bursave, mobilitetit akademik si dhe programeve për zhvillimin profesional të mësimdhënësve.
Ministri Çeku shprehu mirënjohje ndaj shtetit francez për mbështetjen e vazhdueshme në avancimin e cilësisë në arsim, duke theksuar rëndësinë e vazhdimit dhe zgjerimit të partneriteteve ndërinstitucionale, me fokus të veçantë në arsimin e lartë.
Në takim u riafirmua gatishmëria e të dy palëve për të thelluar bashkëpunimin përmes iniciativave të reja, në funksion të forcimit të mëtejmë të lidhjeve akademike dhe institucionale ndërmjet dy vendeve.
