Sot është nënshkruar memorandum me Federatën e Futbollit të Kosovës.
Ministri i Kulturës, Rinisë dhe Sportit, Hajrulla Çeku bëri të ditur se do të investohen 1.3 milion euro për rindërtimin e tërësishëm të fushës së stadiumit Fadil Vokrri.
Ai tha se punimet do të nisin së shpejti dhe stadiumi do të jetë i gatshëm për ndeshje vendore dhe ndërkombëtare.
“Vazhdojmë me shumë punë të mira anekënd Kosovës për konsolidimin e infrastrukturës së futbollit”, përfundoi ministri.
