Ministri i Infrastrukturës, Liburn Aliu ka njoftuar për zhvillimin e punimeve që janë duke u bërë në rrugën Kijevë-Zahaq.
Ministri Aliu tha se projekti i mëparshëm për ndërtimit të rrugës Kijevë-Zahaq është anuluar, që kushtonte 240 milionë euro.
Sipas Aliut projekti i kësaj rruge tani është duke u realizuar nga Qeveria e Kosovës, përkatësisht nga ministria e Mjedisit, Planifikimit Hapësinorë dhe Infrastrukturës për vetëm 90 milionë euro.
Aliu tutje, ka shtuar se buxhetit të shtetit të Kosovës janë duke iu shpëtuar mbi 150 milionë euro, nga projekti i kaluar për ndërtimin e kësaj rruge.
“Rruga Kijevë-Zahaq, po bëhet.
Kemi anuluar projektin e mëparshëm që do të kushtonte 240 milionë euro, e sot me Qeverinë tonë po e realizojmë këtë rrugë për vetëm 90 milionë euro.
Përmes projektit të tanishëm po i shpëtojmë buxhetit të Kosovës mbi 150 milionë euro.”, ka shkruar Aliu në facebook.
