Ndeshja Kosovë-Rumani, e vlefshme për kualifikimet e Kampionatit Evropian “Euro 2024”, do të zhvillohet sipas orarit të përcaktuar.
Ka pasur dyshime se ndeshja mund të shtyhet për shkak të reshjeve të vazhduar të shiut gjatë ditës në Prishtinë, ku është rënduar edhe gjendja e fushës në stadiumin “Fadil Vokrri”.
, sipas raportimeve të fundit, gjyqtari kryesor i ndeshjes, holandezi Danny Makkelie, së bashku me delegatin e ndeshjes nga Belgjika, e kanë inspektuar fushën në stadiumin “Fadil Vokrri” dhe janë dakorduar që ajo në pjesën më të madhe i plotëson kushtet për zhvillimin e ndeshjes.
Makkelie ka kërkuar nga stafi i stadiumit që para fillimit të ndeshjes të bëhet tërheqja e ujit në mënyrë që të ketë kushte sa më të mira për lojë, të cilët po bëjnë të pamundurën për të krijuar kushtet e nevojshme për zhvillimin e kësaj ndeshje pa vështirësi të mëdha.
