Në vendkalimet kufitare të Kosovës këtë mëngjes gjendja paraqitet më e qetë dhe nuk ka tollovi me kolona e pritje të shumë të gjata.
Të dhënat e fundit të publikuara nga Qendra Kombëtare për Menaxhim Kufitar në orën 07:15 minuta, bëjnë të ditur se kolona të gjata nuk ka në asnjë pikë kufitare.
Në pikën kufitare në Merdar pritjet për të dalë nga Kosova janë 40 deri në 60 minuta.
Kolonë krejt e vogël prej diku 150 metra është krijuar në dalje të pikës kufitare Dheu i Bardhë, ku pritja e qytetarëve edhe në këtë pikë është maksimumi 40 minuta.
Kurse në pikat tjera gjendja është e qetë, nuk ka pritje më shumë se 5 minuta.
Qytetarët mund të informohen në kohë reale mbi gjendjen në kufi duke klikuar në këtë LINK.
