Ministri i Mbreojtjes së Kosovës Armend Mehaj, gjatë ditës së sotme ka zhvilluar një bisedë telefonike me ministrin e Mbrojtjes Kombëtare të Turqisë, Hulusi Akar, transmeton KosovaNews.
Përmes një statusi në rrjetin social facebook, Mehaj ka njoftuar se gjatë bisedes me ministrin Akar, kanë diskutuar për çështjet bilaterale dhe rajonale të mbrojtjes dhe sigurisë dhe bashkëpunimit bilateral në industrinë e mbrojtjes në kuadër të partneritetit mes dy vendeve, qeverive dhe ministrive të Kosovës dhe Turqisë.
Ndër të tjera, në emër të Ministrisë së Mbrojtjes dhe Ushtrisë së Kosovës, Mehaj i përcolli edhe ngushëllimet për popullin turk dhe familjarët e viktimave që humbën jetën në fatkeqësinë e minierës në Bartin.
“Republika e Turqisë, si vend anëtar i NATO-s, është ndër partnerët tanë më të rëndësishëm në proceset tona zhvillimore.”, ka thënë Mehaj në Facebook.