Kosova ka regjistruar dje edhe katër viktima dhe 1.401 raste të reja me koronavirus.
Të dhënët e publikuara dje nga Ministria e Shëndetësisë (MSH) tregojnë se rastet e reja dalin pas testimit të 3.716 mostrave apo 37.70 për qind e tyre dolën pozitivë për sëmundjen COVID-19.
Kështu me infektimet e fundit në Kosovë ka arritur në 9.408 numri i rasteve aktive me COVID-19.
Në 24 orët paraprake janë shëruar 1.219 persona, bëri të ditur MSH-ja.
Kosova së fundmi po regjistron rritje të rasteve me koronavirus, gjë që ka shtyrë autoritetet të bëjnë thirrje për mbajtjen e maskave në ambiente të mbyllura dhe që qytetarët të vaksinohen kundër koronavirusit./KosovaNews/
