Rreth orës 11:13 avioni më të cilin udhëtoi Sekretari Amerikan të Shtetit Antony Blinken preku tokën shqiptare. Ai zbriti në aeroportin “Nënë Tereza” në Rinas, ku u prit nga ministri i Jashtëm Igli Hasani.
Forca të shumta të policisë janë angazhuar për mbarëvajtjen e vizitës së sekretarit Amerikan të Shtetit Antony Blinken i cili do të qëndrojë në Tiranë për 10 orë.
Blinken do të takohet me presidentin Bajram Begaj dhe kryeministrin Edi Rama.
Gjatë vizitës së tij në Tiranë, Blinken ka ketë pjesë të delegacionit edhe ish-ambasadoren amerikane, Yuri Kim, e cila tashmë ka një detyrë më të lartë në DASH.
Agjenda e Blinken në Tiranë do të mbyllet me një takim me rreth 100 të rinj që kanë qenë pjesë e programeve mbështetëse të ambasadës amerikane.
