Ministrja e Arsimit, Shkencës, Teknologjisë dhe Inovacionit, Arbërie Nagavci ka njoftuar se po organizojnë dhe presin përfshirje sa më të madhe të nxënësve dhe të rinjve në kurse për aftësim në disa profesione.
Arbërie Nagavci nëpërmjet një postimi në llogarinë e saj në Facebook, u ka bërë thirrje të gjithë nxënësve që të aplikojnë dhe të shfrytëzojnë mundësinë e ofruar për përgatitje në tri profesione përmes arsimit dual.
Ajo shton se konkursi për këto kurse-trajnime do të hapet më 22 gusht 2022 dhe fillimisht në dy shkolla të Komunës së Prishtinës, “7 Shtatori” dhe “Shtjefën Gjeçovi”.
Profilet profesionale të ofruara janë për kuzhinier, asistent i restorantit dhe flokatar./KosovaNews/
