Kryeministri i Kosovës, Albin Kurti, ka folur në lidhje me marrëveshjen që është nënshkruar me MCC-në.
Kurti theksoi se me arritjen e kësaj marrëveshje i ka thelluar edhe shumë marrëdhëniet me SHBA-në.
Deri më tani qytetarët e Kosovës kanë përjetuar kriza energjetike të vazhdueshme. Me nënshkrimin e marrëveshjes së Programit Kompakt për sektoprin e energjisë, qeveria jo vetëm që i ka thelluar marrëdhëniet me aleatin tonë kryesor Perëndimor, konkretisht ka filluar punën për transformimin e sektorit energjetik duke pasur për bazë pavarësinë energjike”, është shprehur Kurti.
“Në Uashington DC nënshkruam marrëveshjen me të cilën Shtetet e Bashkuara të Amerikës përmes Korporatës së Sfidës së Mijëvjeçarit janë pajtuar t’i japin Kosovës grant në vlerë prej 202 milionë dollarë. Ky është granti më i madh në histori të Kosovës së çliruar”.
Kurse ministrja Artane Rizvanolli tha se grandi më i madh i fituar ndonjëherë në Kosovë për sektorin e energjisë edhe pse është arritur në një kohë të vështirë, zbatimi i ptojketit fillon 18 muaj pas ratifikimit.
“Por puna ka filluar menjëherë dhe tashmë është caktuar lokacioni për bateritë, mandej programet për trajnime të punëtorëve dhe ndryshimet ligjore e rregullative. Për 2-3 vite mendoj se përfundon e gjitha”, tha mes tjerash ajo.
