Ministri i Mbrojtjes, Ejup Maqedonci, ka pritur në takim ambasadorin e Sllovenisë në Kosovë, Borut Blaj, me të cilin ka diskutuar për bashkëpunimin bilateral dhe çështjet e sigurisë.
Gjatë takimit u bisedua për forcimin e marrëdhënieve ndërmjet Kosova dhe Sllovenia, si dhe për angazhimet në fushën e mbrojtjes.
“Prita në takim Ambasadorin Borut Blaj i cili më shprehu urimin e tij për riemërimin tim si Ministër i Mbrojtjes. Diskutuam mbi bashkëpunimin mes Kosovës dhe Sllovenisë, duke përfshirë mbështetjen e Sllovenisë për stabilitetin në Kosovë përmes pranisë në KFOR dhe NALT, si dhe bashkëpunimin bilateral”, thuhet në njoftimin e Maqedoncit në Facebook.
Po ashtu, u diskutua për iniciativat në kuadër të të Central European Defence Cooperation si dhe për bashkëpunimin në industrinë e mbrojtjes.
“Në fund të dy u dakorduam për angazhim reciprok drejt avancimit të bashkëpunimit ndërmjet Republikës së Kosovës dhe Sllovenisë” ka shkruar ministri.
