Presidenti francez Emmanuel Macron ka deklaruar se është takuar sot me kryeministrin izraelit Benjamin Netanyahu, si dhe me presidentin e Libanit, Joseph Aoun dhe kryeministrin Nawaf Salam, për të diskutuar mbi situatën “shumë shqetësuese” në Liban.
Aksionet ushtarake mes Izraelit dhe grupit të mbështetur nga Irani, Hezbollah, vazhdojnë të eskalojnë në Liban, me raporte se ushtria izraelite ka hyrë në disa fshatra pranë kufirit të demarkuar nga OKB-ja, raporton BBC.
Hezbollah ka nisur gjithashtu raketa dhe dronë ndaj Izraelit, si përgjigje ndaj sulmeve të SHBA-së dhe Izraelit ndaj Iranit.
Në një postim në rrjetin social ‘X’, Macron ka theksuar: “Rikonfirmova nevojën që Hezbollah të ndalojë menjëherë sulmet ndaj Izraelit dhe më gjerë.”
Ai shtoi se gjithashtu ka kërkuar nga kryeministri izraelit që të ruajë integritetin territorial të Libanit dhe të shmangë një ofensivë tokësore.
Macron tha se Franca do të vazhdojë të mbështesë forcat e armatosura libaneze për të eliminuar kërcënimin që paraqet Hezbollah, si dhe po merr masa për të ndihmuar civilët libanezë të zhvendosur.
