Presidenti francez, Emmanuel Macron ka thënë se do ta emërojë kryeministrin e ardhshëm francez në ditët në vijim.
Gjatë fjalimit publik pas rrëzimit të kryeministrit Michel Barnier, Macron është zotuar se do ta kryejë punën e presidentit deri në fund të mandatit.
Në fjalim, presidenti ka falënderuar Barnierin për përkushtimin dhe mosgatishmërinë për t’u dorëzuar gjatë kohës si kryeministër, meqë sipas tij, ai ka qenë i gatshëm të përballet me sfidat që të tjerët nuk i kanë bërë.
Macroni ka thënë se disa nga grupet politike kanë zgjedhur kaosin.
Sipas tij, qeveria duhet të punojë së bashku për t’i tejkaluar sfidat me të cilat përballet vendi, duke theksuar se Franca duhet të rindërtohet.
Presidenti konfirmoi se Franca nuk mund të ketë zgjedhje të reja parlamentare për 10 muaj, pas zgjedhjeve të parakohshme në korrik. Barnier kishte marrë punën e kryeministrit tre muaj më parë.
