Presidenti i Francës, Emmanuel Macron njoftoi se sapo ka biseduar me presidentin e Serbisë, Aleksandar Vuçiq, me të cilin tha se ka biseduar edhe për dialogun Kosovë-Serbi dhe për “detaje” të situatës në Ballkanin Perëndimor.
Duke shkruar në serbisht, Macron tha se ia ka përsëritur Vuçiqit “bindjen” e tij se “e ardhmja europiane e Serbisë është rruga e saj e vërtetë”, si dhe “shpresën” e tij “që ajo do të përparojë në atë rrugë të reformave dhe anëtarësimit, në frymën e dialogut”.
“Diskutuam për të gjitha aspektet e marrëdhënieve mes Serbisë dhe Francës dhe vendosëm ta forcojmë më tej bashkëpunimin tonë”, shkroi ai në X.
Presidenti francez tha se “folëm gjithashtu në detaje për situatën në rajon”.
“Theksova rëndësinë që Franca i kushton stabilitetit, unitetit dhe sovranitetit të Bosnjë e Hercegovinës, si dhe respektimit të sundimit të ligjit”, tha ai.
Më tej, Macron përmendi dialogun Kosovë-Serbi dhe tha se e dënon çdo veprim të njëanshëm që mund ta rrezikojë atë.
“Rikujtova rëndësinë e dialogut ndërmjet Serbisë dhe Kosovës dhe dënimin tonë ndaj çdo veprimi të njëanshëm që mund ta rrezikojë atë”.
Me vendet e Ballkanit Perëndimor, Macron tha se “Europa do ta realizojë dhe përqafojë fatin e saj – në unitet, solidaritet dhe përgjegjësi”.
Управо сам разговарао са председником @avucic.
— Emmanuel Macron (@EmmanuelMacron) August 3, 2025
Поново сам му изразио своје уверење да је европска будућност Србије њен прави пут, као и своју наду да ће напредовати на том путу реформи и приступања, у духу дијалога.
Размотрили смо све аспекте…
