Lëvizja VETËVENDOSJE! do të mbajë sot Mbledhjen e Këshillit të Përgjithshëm, ku pritet të zyrtarizohet kandidati për kryeministër i kësaj parite për zgjedhjet e 28 dhjetorit, raporton KosovaNews.
Mbledhja është thirrur nga Kryesuesja e Këshillit të Përgjithshëm, Arbërie Nagavci, dhe do të nisë në orën 18:00 në Sekretariatin e Përgjithshëm të partisë.
Çfarë pritet sot?
Pika qendrore e rendit të ditës është prezantimi dhe zgjedhja e kandidatit të VV-së për Kryeministër të Republikës së Kosovës – vendim që pritet të japë orientimin përfundimtar të fushatës zgjedhore të partisë.
Po ashtu, anëtarët e Këshillit do të diskutojnë edhe koalicionet e mundshme parazgjedhore, një temë që ka ngjallur interes të madh publik duke marrë parasysh afërsinë e datës së zgjedhjeve.
Në mbledhje do të mbajë fjalë edhe Kryetari i Lëvizjes dhe Kryeministri i Kosovës, Albin Kurti, i cili pritet të adresojë situatën politike dhe prioritetet e VV-së në këtë fazë të fushatës.
Rendi i ditës përfshin:
- Miratimin e rendit të ditës
- Caktimin e procesmbajtësve
- Miratimin e procesverbalit nga mbledhja e kaluar
- Zgjedhjen e kandidatit për Kryeministër
- Fjalën e Kryetarit të Lëvizjes, Albin Kurti
- Diskutimin për koalicionet parazgjedhore
- Analizë të situatës politike
- Të ndryshme
Mbledhja vjen në një moment vendimtar, me VV-në që synon të konsolidojë strategjinë dhe mesazhin për zgjedhjet e parakohshme nacionale./KosovaNews/
.
