Ish-reprezentuesi i Pakistanit, Khalid Latif, në kriket është dënuar me një vit burgim në Holandë pasi kërcënoi deputetin e ekstremit të djathtë Geert Wilders, raporton BBC.
Rasti u bazua në një video të postuar online në vitin 2018, në të cilën Latif ofroi 21 mijë euro për personin që e vret politikanin Wilders.
Kjo pasi Wilders kishte bërë komente për profetin Muhamed që u konsideruan fyese.
Mirëpo, Latif nuk pritet që ta vuajë dënimin e tij.
Ai aktualisht jeton në Pakistan dhe Pakistani e Holanda nuk kanë marrëveshje për ekstradim.
Autoritetet holandeze kanë kërkuar të flasin me Latifin për disa vjet, por kanë thënë se s’kanë marrë ndihmë nga Pakistani.
Gjyqtari G Verbeek ka thënë se komentet e Latifit nuk ishin vetëm sulm personal ndaj Wildersit, por edhe ndaj lirisë së shprehjes.
Latif kishte reaguar me një video në vitin 2018, pasi Wilders kishte thënë se do të mbajë një garë për karikatura të profetit Muhamed.
