Për nder të 15- vjetorit të Pavarësisë së Republikës së Kosovës, krahas letrave të shteteve të QUNIT-it, si SHBA, Franca, Gjermania, Mbretëria e Bashkuar, Italia, etj, presidentja e Republikës së Kosovës, Vjosa Osmani ka pranuar letra urimi edhe nga homologët e saj nga Shqipëria, Maqedonia e Veriut, Sllovenia, Bullgaria dhe Mali i Zi.
Në letrën e urimit, Presidenti Begaj ka theksuar se vlerat kombëtare dhe marrëdhëniet vëllazërore e shumë dinamike janë në themel të bashkëpunimit të të dy shteteve.
“Kosova sot është jo vetëm një realitet i pakthyeshëm politik, por edhe një kontribuuese aktive për paqen dhe stabilitetin në rajonin tonë, që në koordinim e bashkëpunim të ngushtë me aleatët më të mirë të shqiptarëve, Shtetet e Bashkuara të Amerikës dhe Bashkimin Evropian, po konsolidon dita-ditës institucionet e saj demokratike dhe po zgjeron bashkëpunimin me organizatat ndërkombëtare e ato rajonale”, thuhet në telegramin e presidentit Begaj.
Presidenti i Maqedonisë së Veriut, Stevo Pendarovksi, ka theksuar në letrën e tij se Kosova në 15 vjetorin e pavarësisë, tejkaloi shumë sfida.
“Gjej rastin të shpreh kënaqësinë time për marrëdhëniet miqësore mes dy vendeve tona, me bashkëpunimin e zgjeruar në të gjitha fushat me interes të ndërsjellë, i cili kam besimin se do të vazhdojë me intensitet të shtuar, me mbështetjen reciproke dhe shkëmbimin e përvojave në funksion të arritjes së synimeve tona strategjike për integrimin e plotë të dy shteteve tona në familjen evropiane”, thuhet në telegramin e presidentit Pendarovski.
Edhe presidentja sllovene, Nataša Pirc Musar ka uruar presidenten Osmani duke e përgëzuar për përparimin e Kosovë, duke premtuar mbështetje të mëtejme.
“Sllovenia do të vazhdojë të ndihmojë Kosovën në rrugën drejt sigurimit të progresit të reformave të nevojshme anëtarësimin në integrimin euroatlantik”, thuhet në letrën e urimit të presidentes Musar.
Presidenti i Malit të Zi, Milo Đukanović, në letrën e urimit ka potencuar se vizioni euroatlantik i të dy shteteve dhe vlerat e përbashkëta janë garanci e fuqizimit të marrëdhënieve fqinjësore ndërmjet të dy shteteve.
Në letrën e urimit të presidentit bullgar Rumen Radev, raportet ndërshtetërore me Kosovën janë vlerësuar si tejet miqësore.
“Vendi ynë ka qenë gjithmonë ndër përkrahësit më aktivë të ndërtimit të shtetit demokratik dhe multietnik të Kosovës dhe njohjes ndërkombëtare të tij. Shfrytëzoj rastin t’ju siguroj se do të vazhdojmë të mbështesim integrimin e Kosovës në organizatat ndërkombëtare dhe rajonale dhe jam i bindur se kemi një të ardhme të përbashkët në familjen evropiane”, thuhet në telegramin e presidentit Radev.
Presidentja Osmani pranon telegrame urimi nga liderë të ndryshëm botëror me rastin e 15 vjetorit të Pavarësisë së Republikës së Kosovës
Lista e vendeve nga erdhën telegrame urimi për presidenten Vjosa Osmani:
Shtetet e Bashkuara
France
Gjermania
Mbretëria e Bashkuar
Italia
Shqipëria
Turqia
Austria
Australia
Belgjika
Bullgaria
Finlanda
Emiratet e Bashkuara Arabe
Holanda
Hungaria
Katari
Kuvajti
Letonia
Luksemburgu
Mali i Zi
Malta
Maqedonia e Veriut
Arabia Saudite
Senegali
Sllovenia
Suedia
Tailanda
Org. Frankofonisë
Org. FES
Partia FORCA
Lëvizja Qytetare Perspektiva
Listën e plotë të letrave me testet e tyre mund ta gjeni në këtë vegzën më poshtë:
