Rasti i parë i lisë së majmunit është regjistruar në shtetin fqinj të Kosovës, respektivisht në Mal të Zi.
Instituti për Shëndet Publik malazez (IJZ), njofton se pacienti është shtetas malazez dhe është në gjendje të mirë.
Mali i Zi i është bashkuar listës së 79 vendeve ku është regjistruar kjo sëmundje, shkruan Vijesti.
“Siç u tha, janë marrë të gjitha masat e nevojshme për pacientin dhe kontaktet e tij, me qëllim parandalimin dhe frenimin e përhapjes së sëmundjes infektive”, thuhet në njoftim.
“Janë njoftuar të gjitha institucionet kompetente në përputhje me protokollet kombëtare dhe ndërkombëtare”.
Lija e Majmunit zakonisht fillon me ethe, dhimbje muskujsh, lodhje dhe dhimbje koke, dhimbje të fytit dhe kollë. Gjithashtu, mund të ketë rritje të nyjeve limfatike (limfadenopati).
