Gjykata Themelore në Mitrovicë ka caktuar 1 muaj arrest shtëpiak, për A.V, mjekun nga Vushtrria që dyshohet për marrje ryshfeti.
“Gjykata Themelore në Mitrovicë – Departamenti për Krime të Rënda e ka refuzuar kërkesën e Prokurorisë Themelore në Mitrovicë – Departamenti për Krime të Rënda, për caktimin e masës së paraburgimit ndaj të pandehurit A.V., dhe ndaj tij është caktuar masa e arrestit shtëpiak, në kohëzgjatje prej një muaji”, thuhet në njoftimin e Gjykatës.
Masa e arrestit shtëpiak të pandehurit , do t’i llogaritet nga data 28 tetor 2025 deri më datë 28 nëntor 2025.
Kujtojmë se të mërkurën Policia bëri të ditur se A.V është arrestuar pasi ai në këmbim të parave kishte lëshuar raporte për pushime mjekësore, e që çmimi varionte nga 10 deri në 50 euro.
