Policia e Kosovës në Ferizaj, përmes raportit javor ka njoftuar se 23 persona kanë marrë trajtime mjekësore pasi që janë aksidentuar në rrugët lokale dhe ato regjionale.
“Gjatë javës së kaluar, nga data 02-08.06.2025, janë regjistruar gjithsej 36 aksidente, nga të cilat: 17 aksidente me lëndime, ku kanë mbetur të lënduar 23 persona, ndërkaq 19 aksidente janë regjistruar me dëme materiale. Policia Rajonale e Ferizajt do të vazhdojë me aktivitete të shtuara për të parandaluar aksidentet dhe apelon tek të gjithë drejtuesit e automjeteve që të jenë të kujdesshëm dhe të respektojnë rregullat e trafikut”, thuhet midis të tjerash në raportin javor të Policisë në Ferizaj.
