Legjenda e Arsenalit, Paul Merson beson se Topçinjtë duhet të fitojnë ndeshjen e tyre të parë çerekfinale të Ligës së Kampionëve kundër Real Madridit me të paktën dy gola diferencë.
Të martën në mbrëmje, Arsenali do të presë Real Madridin dhe Merson i kërkon skuadrës së Mikel Artetës që të përfitojë maksimalisht duke luajtur në shtëpi.
Ai e arsyeton këtë duke theksuar se Arsenali do të përballet me vështirësi në ndeshjen e kthimit. “Arsenali duhet të fitojë ndeshjen e parë. Fitorja me një gol është minimumi. Mendoj se ata duhet të fitojnë të paktën dy”, tha Merson.
Merson iu referua çerekfinales së vitit të kaluar kundër Bayernit, ku Bayern pati një ndeshje të lehtë të kthimit pas barazimit 2-2 në Emirates.
“Nuk mund ta imagjinoj që Reali nuk do të shënojë të paktën dy gola në Bernabeu. Real Madrid aktualisht po luan keq dhe Arsenali do t’u shkaktojë atyre probleme sepse po pranojnë shumë gola”.
Merson gjithashtu vuri në dukje humbjet e fundit të Real Madridit ndaj Valencias, Real Sociedad në Kupën e Mbretit dhe luftën e tyre kundër Leganes, por vuri në dukje se në Ligën e Kampionëve, Reali shfaqet gjithmonë.
“Kjo është shqetësuese për Arsenalin. Real Madrid duhet të ishte eliminuar nga Atletico, por ata gjetën një rrugëdalje”, tha Merson.
