Lazar Dejanoviq, i akuzuar për huliganizën e sulm kundër personit zyrtar në protestë e dhunshme në Zveçan të 29 majin 2023, ka bërë marrëveshje për pranimin e fajësisë. Këtë e bëri të ditur Valon Kurtaj, kryetar i trupit gjykues i Gjykatës Themelore në Prishtinë kur e hapi shqyrtimin fillestar për rastin.
Prokuroria Speciale ka ngritur aktakuzë kundër Dejanoviqit më 15 tetor 2024.
I pandehuri tha se e marrëveshjen për pranimin e fajësisë e bën me vullnet të lirë. Dejanoviq, banor i Mitrovicës së Veriut, është në paraburgim nga data 19 qershor 2024.
Prokurori special Bekim Kodraliut kërkoi që i akuzuari të dënohet me burg efektiv 8 deri në 10 muaj për veprën penale sulm ndaj personit zyrar, ndërsa për veprën penale pjesëmarrja në turmë t’i shqiptojë dënim me burg me 6 muajsh me mundësi zëvendësimi me 10.000 deri 11.000 euro. Prokurori Kodraliu i kërkoi gjykatës që të pandehurit t’i shqiptohet një dënim unik brenda kornizës së marrëveshjes së propozuar.
Kryetari i trupit gjykues, Valon Kurtaj, e pranoi marrëveshjen për pranimin e fajësisë.
“Marrëveshja është harmoni me ligjin dhe i plotëson të gjitha premisat për tu pranuar”, tha Kurtaj.
Kryetari i trupit gjykues, Valon Kurtaj, e pranoi marrëveshjen për pranimin e fajësisë. “Marrëveshja është harmoni me ligjin dhe i plotëson të gjitha premisat për t’u pranuar”, tha Kurtaj.
Lubomir Pantoviq, avokat i Dejanoviqit, tha se para dënimit të të akuzuarit gjykata duhet t’i ketë parasysh rrethanat lehtësuese. Ndër të tjera ai tha se i pandehuri në protestën e dhunshme i hodhi 2-3 shishe.
“I ka gjuajtur dy a tri shishe në drejtim të tyre, nuk ka qenë as udhëheqës e as organizator”, tha Pantoviq.
