Ministria e Arsimit, Shkencës, Teknologjisë dhe Inovacionit konkretisht Qendra për Profesione të Rregulluara, përkrahur nga projekti “Mbështetja për Njohjen e Kualifikimeve Profesionale” financuar nga BE, dhe në bashkëpunim të ngushtë me partnerë tjerë relevant e hapën fushatën trijavore “Njohja e Kualifikimeve Profesionale”.
Në hapje, zëvendësministri i MASHTI-t, z.Arsim Ademi, dhe zëvendësshefja e Zyrës së Bashkimit Evropian në Kosovë, Eva Palatova, mbajtën fjalë rasti, duke folur për procesin e njohjes së kualifikimeve profesionale, dhe rëndësinë e ngritjes së vetëdijes dhe informimit të qytetarëve rreth kësaj fushe, sikurse edhe benefitetet për qytetarët e Kosovës, për mundësinë e mobilitetit profesional, si në tregun rajonal apo edhe atë të BE-së, pas anëtarësimit të vendit tonë në BE.
Njohja e Kualifikimeve Profesionale, ndërlidhet ngushtë, përveç mbështetjes së BE-së me asistencë teknike, edhe me Marrëveshjen e Stabilizim-Asociimit, me Procesin e Berlinit dhe CEFTA.
Fushata do të organizohet nëpërmjet pjesëmarrjes në media, rrjeteve sociale dhe materialeve tjera të printuara.
