I dërguari i Bashkimit Evropian për dialogun Kosovë-Serbi, Miroslav Lajçak, ka thënë se java që lëmë pas ka qenë e ngarkuar me takimin që u zhvillua në Bruksel, në kuadër të kryenegociatorëve në dialogun Kosovë Serbi.
Përmes një postimi në Facebook, Lajçak ka thënë se të dy palët në kuadër të takimit diskutuan për zbatimin e Marrëveshjes për rrugën e normalizimit dhe çështjet urgjente aktuale.
Lidhur me takimin, Lajçak e ka informuar edhe këshilltarin e Departamentit të Shtetit, Derek Chollet.
“Këtë javë isha i zënë me takime në Bruksel, ku organizuam një takim Dialogu në nivel të kryenegociatorëve. Kryenegociatorët nga Kosova dhe Serbia diskutuan për zbatimin e Marrëveshjes për Rrugën e Normalizimit dhe çështjet urgjente aktuale”.
“U takova gjithashtu me Këshilltarin e Departamentit të Shtetit Derek Chollet. Ishte mirë të flitej për zhvillimet e fundit në Ballkanin Perëndimor. Unë gjithashtu e informova atë për takimin e dialogut dhe të kryenegociatorëve. Ne ramë dakord për nevojën e zbatimit të menjëhershëm në mirëbesim. Unë jam shumë mirënjohës për partneritetin dhe koordinimin e fortë me Shtetet e Bashkuara kur bëhet fjalë për Dialogun”, ka thënë ai.
Lajçak, me rastin e Ditës së Pashkëve, ka uruar festën e besimtarëve katolikë e protestantë.
“Meqenëse e kemi gjetur veten edhe një herë në këtë periudhë të veçantë të vitit, u dëshiroj të gjithë atyre që festojnë Pashkët”, shkroi ai.
