Emisari i BE-së për dialogun Kosovë-Serbi, Miroslav Lajçak, deklaroi se kjo është java e fundit e tij në këtë detyrë.
Lajçak, në jë postim në Facebook, ka njoftuar për takimet që kishte në kuadër të Forumit Ekonomik në Davos. Ai tha se dialogu është më vendimtar se asnjëherë më parë dhe se BE-ja është serioze në procesin e zgjerimit. Pritet që Lajcak të zëvendësohet nga diplomati danez, Peter Sorensen
“Këtë javë në Forumin Ekonomik Botëror në Davos, pata mundësinë të angazhohem me liderë, kolegë dhe miq për disa nga çështjet më urgjente të tani, duke përfshirë stabilitetin gjeopolitik dhe zhvillimin ekonomik. Pas një jave diskutimesh stimuluese, është e qartë se dialogu është më vendimtar se kurrë në botën e sotme”, shkruan Lajçak.
Ai tregon se është takuar gjithashtu edhe me liderë nga Ballkani dhe mori pjesë në Dialogun tradicional të Diplomacisë për rajonin.
“Në ndërhyrjen time, theksova se BE-ja është serioze për zgjerimin e Bashkimit, por kjo nuk do të ndodhë si parazgjedhje dhe i kërkova rajonit të qëndrojë në kurs. Ndërsa filloj javën e fundit të gati pesë viteve të mia në rolin tim aktual, ditët në vijim do të fokusohen në informimet përfundimtare dhe procedurat e dorëzimit”, shkruan Lajçak në Facebook.
