Kryeministri i Kosovës, Albin Kurti, nëpërmjet një postimi në Facebook, ka falënderuar deputetët për miratimin e Ligjit për Byronë Shtetërore për Verifikimin dhe Konfiskimin e Pasurisë së Pajustifikueshme
“Hap pas hapi drejt Byrosë së Konfiskimit të Pasurisë së Pajustifikueshme. Me mbështetjen e 66 deputetëve të Kuvendit të Republikës, Ligji për Byronë Shtetërore për Verifikimin dhe Konfiskimin e Pasurisë së Pajustifikueshme mori edhe aprovimin e dytë për miratimin e tij të plotë. Falënderoj secilin dhe secilën prej tyre”, ka thënë Kurti.
Sipas kryeministrit, pasuria e fituar, por që nuk arrin të justifikohet është përfitim i padrejtë, është padrejtësi, madje e tillë që thellon pabarazitë. Konfiskimi i saj është kompensim për shoqërinë, është drejtësi.
